الأجهزة القابلة للارتداء سنة عن سنة بتكون بين يدينا أكثر.. الساعات الذكية يمكن أبرزها، طبيعي تشوف شخص معك بالقعدة يطيل النظر بساعته ليقرأ آخر رسالة وصلته ع الوتساب بدون ما يفتح السمارتفون .. لكن هالأجهزة امتدت لتكون تقنية كمان بالإكسسوارات، بالنظارات والأحذية ..
اليوم وصلنا الحلقة الثلاثين من صوت التك .. وحديثنا فيها تقني بامتياز – عن الملبوسات التكنولوجية. وهدفنا من خلالها مش أنك تستبق تعرف مين عمل لكم تاغ ع الانستغرام قبل ما تفتح تلفونك .. ولا مجرد تشتري اسوارة جميلة فيها جانب رقمي .. إنما لحتى نكتشف مع بعض العالم الخفي اللي صار يقترب منا أكثر وأكثر .. لأنه بصراحة مش ناقصنا كما مشتتات تحيط فينا من كل طرف.
ضيفنا ربط المجال مع عالم الطب .. بالأحرى واحد من أدق وأكثر المجالات فيه تعقيدًا – المُخ والأعصاب. لهيك راح نخوض معه بالتقنية الملبوسة:
شو الجديد بهذا العالم ؟ هل في مخاطر من الضوء الأخضر اللي بضل ع يدينا من الساعة ؟ وليش نظارات جوجل ونظارة التصوير من ميتا وريبان ما نجحوا ؟ وشو أغرب شغلة فكّر حدا يعمل التقنية فيها على البلايز.
استمعوا للحوار الذي يستضيف من خلاله المختص التقني أنس أبو دعابس، ضيف الحلقة عزيز قعدان.
مدير عام ومؤسس شريك للستارت-أب Myndlift. مبادر ومتحدث في العديد من المؤتمرات المحلية والدولية في الهايتك، لقب أول علوم الحاسوب.
لا تنسوا تفعيل زر الاشتراك الموجود في تطبيقكم تصلكم حلقاتنا الأسبوعية مع الضيوف والمواضيع التقنية.
لملاحظاتك واقتراحاتكم: [email protected]
صوت التك، بودكاست تقني من انتاج “راديو الناس”، الناصرة
- كيف بصنعوا المنتج التقني الجاي!؟ حديث عن البحث والتطوير في الهايتك | ميرا شلح عبود
- الحرب التكنولوجية الموازية: الصراع الافتراضي بين روسيا – أوكرانيا | وجدي زابط
- الشركات الناشئة: كيف نحمي الفكرة ونوصل للاستثمار؟ | المحامي عبد الرحيم ناشف
- مؤثرين أو حملات رقمية: شو الطريقة الأمثل لتسويق مشروعك | سوسن شاذلي
- أي وظائف ومسارات مهنية لغير المهندسين متاحة بالهايتك؟ | فادي العبرة TALENTEAM
- هل احنا بحاجة التقنيات الملبوسة لنحسن جودة حياتنا؟ | عزيز قعدان
- وفّر كمان ساعة باليوم: كيف تزيد انتاجيتك التقنية؟ | حسن أبو شعلة
- أ ب بيتكوين: هل فاتنا قطار العملات الرقمية؟ | وجدي جريس
- الذكاء الاصطناعي: كيف يتخذ الحاسوب عنك القرارات؟ | هشام عبد الحليم
- عدد خاص || رحلة في الأمور التي غيرتها التقنيات فينا خلال العيد & مقتطفات نصف عام