افتتاح غنائي لقناة بلال فضل

حسيت إنه مش من المناسب افتتاح القناة بفيديو طويل، خصوصا إن بقى له ساعة بيحمّل، وبما إني من محبي الغناء عموما ومن محبي محمد فوزي خصوصا، وباحب له جدا الغنوة دي اللي ساعدتني كتير في حياتي العاطفية، كانت أول غنوة أغنيها لحبيبتي داليا السيد، طبعا أيامها كان صوتي لسه عفي فالغنوة ساعدتني، دلوقتي الصوت بقى بعافية وفنان الأكورديون اللي مش عايز أذكر اسمه حرصا على مشاعره كان لسه مبتدئ، فمش متأكد إن الفيديو ده خير تعبير عن قدراتي الغنائية، عندي فيديوهات صوتي فيها أحلى شوية من وجهة نظري المتواضعة لكن الغنوة دي باحبها أكتر، وباحب الليلة دي جدا لإنها كانت سهرة رائعة مع أصدقاء في 2020 في آخر ليلة قبل إعلان الغاء التجمعات، والسهرة دي سابت لنا ذكرى خاصة، لإن كلنا جالها كورونا بسبب الصحبة الحلوة، بس الحمد لله عدت على خير بعد ساعات هابدأ فعاليات القناة بإذاعة حلقة خاصة من برنامج عصير الكتب، والأربعاء القادم نتقابل في فيديو جديد ونشوف بعد كده الحكاية هترسى على إيه أتمنى إنكم تلاقوا في هذه القناة بعضا من الإمتاع والمؤانسة وكل عام وأنتم بخير … الصورة المصاحبة للفيديو من تصوير حسام الحملاوي ويكأنني كنت باغني