ازاى نوصل ل راحة البال؟ | بودكاست نقطة نور

امتى عدى عليك وقت كنت حاسس فيه ان بالك مرتاح و رايق ومش بتفكر ف اى هموم  خد دقيقة كدا وفكر ف راحة البال بالنسبالى دايما ب افكر ف زمان  بفتكر لما كنت صغيرة  وقتها كان اكبر مشاكلى انى اجيب لعبة او انى اروح العب مع بنات خالتى كان وقتها عقلى مفيهوش قلق ولا خوف ممكن اقول ان هى ديه راحة البال وكبرت و عدى عليا علاقات فاشلة وفقدان ثقة و فشل مشاريع  مبقتش شايفة الدنيا حلوة ولا مبهرة زى زمان عقلى بقى مجهد  تخيل عقلك وانت صغير قد ايه بيبقى نقى وتجى حاجات سلبية تلوثه  الفكرة هنا هو ازاى نقدر نرجع النقاء دا وترجعلنا تانى روح الطفولة اكيد مش هنقدر نحل كل مشاكلنا مرة واحدة ولا عمر المشاكل هتخلص ويعدى علينا وقت كدا فى سلام  لكن اللى احنا نقدر نعمله اننا ندرب عقلنا على انه يتغلب على حالات القلق و الحزن والاكتئاب اللى بتمر علينا بسبب المشاكل ديه وبالتالى نقدر نكون ف حالة هدوء علشان نقدر نلاقى حلول للمشاكل اللى بنواجهها ف خلينا نشوف شوية حاجات نقدر نعملها ممكن توصلنا للسلام النفسى و راحة البال بودكاست نقطة نور – نرمين كامل