بودكاست: أرض ومي وهوا
مكتبة سراج و دار الحكايات، أكاديمية فن الحكي الأدائي، راديو اثير
بدي احكي احلى حكاياتي
عن ارض ومي وهوياتي
هذول معنى حياتي
ولو راحوا فيهم مماتي
ارضي هيي وجودي
عليي بالخير تجودي
وهيي وصية جدودي
وامواتي فيها موجودي
ولما نحكي عن المي
وكلشي منها انخلق حي
دير بالك منها يا خي
يسرقها الصهيوني خطي
اما عن الهوا والريح
اعرف معناها وهيي تصيح
بتجيب الطيب والمليح
وفيها الردي والقبيح
ولما احكي عن البحر
جمالو بيخطف النظر
فيو الامان والخطر
وعا موجه بيحلى السفر
وخبز الطابون يا سلام
طعمه ولا في الاحلام
اما قوارير الزريعة
والنباتات البديعة
بتجذب الها العصافير
وبيطلع منها اشي كثير
لما ترفرف لما تطير
فوق اشجار الحواكير
