من سيجارة ملفوفة لرمز للتمرد، لسلعة إلكترونية بتطبيق عالإنترنت… بهالحلقة من بودكاست “مالو اسم” منسافر برحلة مع نبتة الحشيش. من بيروت الحرب مع حنان الشيخ وروايتها “بيروت بلوز” لوين كانت هالسيجارة مخباية بين أصابع جندي بفيتنام، ومنشوف كيف الإعلام صوّر الحشيش ك”عدو الشعب” مع إعلان نيكسون الحرب على المخدرات، وكيف هالشي خلق حالة “هلع أخلاقي” بالمجتمع متل ما شرح جورج غاربنر بنظرية “الغرس الثقافي”.
منتساءل: كيف تحوّل الحشيش من نبتة عادية لقضية مجتمعية شغلت الإعلام والسياسيين؟ ومنشوف كيف “الهوية السردية” للحشيش تأثرت بطريقة تغطية الإعلام الها، بين تصويرها كخطر بيهدد المجتمع أو كعلاج طبي محتمل.
ومننتقل بعدها للعالم الرقمي لنكتشف كيف تجارة الحشيش فاتت عال”ويب العميق”، وكيف تطبيقات متل “سيشن” و”تلغرام” سهلت هالعملية. ومنطرح سؤال: هل التكنولوجيا عم تفتح آفاق جديدة للحشيش، ولا عم تزيد من مخاطرو؟
بهالحلقة، رح نكشف كيف تغيرت صورة الحشيش عبر الزمن، من سرديات حنان الشيخ لساحات الإنترنت. ورح نفكر سوا: هل الهلع من الحشيش مبرر، ولا هو نتيجة سردية إعلامية معينة؟
انضمولي برحلة “الحشيش”، ولا تنسوا تشاركوا الحلقة مع اللي بتحبوهن. وخليكن معي ب”بودكاست مالو اسم” لنستكشف سوا أفكار وتساؤلات بتشغلنا كلنا. شاركونا بالتعليقات: شو بيعنيلكن الحشيش؟
Host, Script, Research, Editing, Design, Audio Production, Cover Art: Nour
Segment Intros Music: Janty (Chicho)
المراجع
al-Shaykh, H. (1995). Beirut Blues. Anchor Books.
Gerbner, G., Gross, L., Morgan, M., Signorielli, N., & Shanahan, J. (2002). Growing up with television: Cultivation processes. In J. Bryant & D. Zillmann (Eds.), Media effects: Advances in theory and research 1 (pp. 43-67). Lawrence Erlbaum Associates. 2
Cohen, S. (1972). Folk devils and moral panics. MacGibbon and Kee.
الكلمات المفتاحية: الحشيش، حنان الشيخ، بيروت بلوز، الإعلام، الهلع الأخلاقي، نيكسون، فيتنام، التكنولوجيا، الويب العميق، النشاط الرقمي، بودكاست
