شارك البودكاست

بالحلقة 36 من بودكاست طق طق استضفنا الصحفي والناشط جود حسن. جود اللي اشتغل بالصحافة الإستقصائية متعددة الوسائط من 2011 وغطى الأحداث بمناطق نزاع متعددة متل سوريا ولبنان والعراق، ونشر تحقيقات صحفية من مناطق مشتعلة متل الرقة وحلب بعز احتدام المعارك والتوتر. جود هوه المعنى الحقيقي للإنسان الثائر، مو بس على الطغيان، بس كمان على نفسه، لأنه جود رجل عابر جنسيا، عاش صراع طويل ومرير مع الهوية وصله بالنهاية ليقوم بالعبور بشكل كامل بسنة 2020 ولكن سبق هالشي عملية طوسلة مضنية على الصعيدين النفسي والجسدي. جود صديقي، قبل العبور وبعده، جود هوه الإنسان اللي بحسده على شجاعته، على إنسانيته، على عناده وقوته لمواجهة الخوف والرفض.
أنا وجود حكينا عن موضوع العبور الجنسي وتجربته الشخصية بهالموضوع، حكينا عن العمل الصحفي في سوريا من 2011 بأيام الحماس والبدايات المليانة بالأمل، حكينا كمان عن عمله بسوريا بعد تطور الموقف لنزاع مسلح مكتمل الأركان. حكينا عن بيروت وعلاقته بهالمدينة الجميلة وناسها الحلوين، وعن علاقة دمشق ببيروت، حكينا عن العراق، والثورة بالعراق وناسها الحزانى المليانين أمل وشجاعة ودفا.
حلقة أنا بعتبرها من أجمل الحلقات اللي عملتها لهلأ، حلقة فخور فيها بقد ما أنا فخور بجود وبصداقتي فيه.

تابعوا بودكاست طق طق كل يوم أربعاء الساعة 6 مساءا بتوقيت جرينتش على
www.AraTok.com
وبتلاقوا كل الحلقات على
www.ammardaba.com
و بتقدروا كمان تتابعوا بودكاست طق طق مع عمار دبا على إنستاجرام
@taktakpodcast
أو على فيسبوك
@Taktakpodcast

Series Navigation<< الحلقة 0035 – المخرج جمال داوودالحلقة 0037 – الإعلامية أنمار حجازي >>