Normal People ناس عاديين

شو يعني تكون “عادي”؟ بهالحلقة من #بودكاست_مالو_اسم، منغوص برحلة من جزيرة روبنسون كروزو مع دانيال ديفو، لنشوف كيف فكرة “العادي” و”الاستثنائي” تغيرت عبر الزمن. منمرّ على نجوم التلفزيون مع ريتشارد داير ونظرية “اقتصاد المشاهير”، ومنشوف كيف الإعلام بيخلق أبطال من ورق متل ما حكى مارشال ماكلوهان.

ومنتساءل: هل برامج المواهب متل “ذا فويس” بتعطي فرصة للمواهب الحقيقية ولا بتصنع نجومية زائفة؟ ومننتقل بعدها لعالم السوشال ميديا، لنشوف كيف الخوارزميات بتتحكم بحياتنا وبتخلينا، متل ما وصفت شونا زوبوف بنظرية “رأسمالية المراقبة”، مجرد “كادحين رقميين” عم نشتغل ببلاش لشركات التكنولوجيا العملاقة.
بس التكنولوجيا كمان بتعطينا أدوات جديدة لنعبّر عن حالنا ونوصل أفكارنا للعالم. منتعرف على “محو الأمية الرقمية” وكيف الإنترنت بيخلق جيل جديد من المبدعين. ومنطرح سؤال: هل نحنا فعلاً عم نتحكم بمصيرنا، ولا مجرد أرقام بعالم افتراضي؟

انضمولي برحلة “ناس عاديين”، ولا تنسوا تشاركوا الحلقة مع اللي بتحبوهن. وخليكن معي ب”بودكاست مالو اسم” لنستكشف سوا أفكار وتساؤلات بتشغلنا كلنا.

Host, Script, Research, Editing, Design, Audio Production, Cover Art: Nour

Segment Intros Music: Janty (Chicho)

المراجع

Defoe, D. (1719). Robinson Crusoe.
Dyer, R. (1998). Stars. British Film Institute.
McLuhan, M. (1964). Understanding media: The extensions of man. McGraw-Hill.
Zuboff, S. (2019). The age of surveillance capitalism: The fight for a human future at the new frontier of power. PublicAffairs.

الكلمات المفتاحية: العادي، الاستثنائي، الشهرة، دانيال ديفو، روبنسون كروزو، ريتشارد داير، اقتصاد المشاهير، مارشال ماكلوهان، رأسمالية المراقبة، شونا زوبوف، محو الأمية الرقمية، بودكاست، اعلام, تكنولوجيا