التغلب على التفكير المفرط | بودكاست نقطة نور

مين فينا مش بيقعد يفكر لحد ما يحس ان دماغه قفلت مين فينا معندوش الافراط فى التفكير ال  Over thinking طول الوقت قاعدين نفكر ف حاجات حصلت ولسه محصلتش و نحلل فى المواقف و مين قال ايه لمين و امتى و ياترى يقصد ايه وكل ما بيزيد التفكير فى موضوع ما بتلاقى نفسك بعدها اتحشرت ف مكان كدا و مش قادر تتحرك لقدام  وبتبدا تظهر فى دماغك افكار ضد بعض  وتبدأ تلوم نفسك على حاجات معملتهاش  وتقلق من سيناريوهات ممكن تحصل او متحصلش   فى دراسة اثبتت ان الافراط فى التفكير بيرفع مستوى التوتر و بيقلل الابداع وبيأثر على حكمك على الاشياء  والاخطر من كل دا انه بيجردك من القدرة على اتخاذ القرارات  ولحسن الحظ فى طرق للتعامل مع الافراط فى التفكير  فى منهم حاجات ممكن نعملها بسرعة ونشوف تأثيرها و فى حاجات هتاخد مننا وقت و مجهود ف خلينى اعرض عليكوا 7 طرق ممكن تساعدكوا انكوا توقفوا التفكير الزايد بودكاست نقطة نور – نرمين كامل