عقد اتفاقية النجاح…
ياهلا وسهلا فيكم وحياكم الله في الحلقة الرابعة من برنامج “شطحات من القمة” مع محمد اليحيى
اليوم بنبدأ شوي أكشن.. بنخليكم تسوون شيء بعد الحلقة فعلي.. ونكون جديين شوي.. ونطلع من الحكي للفعل..
اليوم بنتكلم عن توقيع عقد.. وابرام اتفاقية لتحقيق النجاح..
لا تخافون.. هذا العقد ما فيه عواقب قانونية عليكم..
ولكن..
عاقبته أشد..
وهي أنه بدون هذا العقد.. فإن تحقيق النجاح اللي تبحثون عنه متروك للحظ والصدفة.. تترك أمر نجاحك وفشلك لغيرك يقرره..
وبما انكم كلكم تبغون تحققون هدفكم الأسمى ومستمرين معنا..
جا وقت اثبات الجدية بأنكم توقعون هذا العقد بينكم وبين أنفسكم وتحطونه قدام عيونكم
العقد لا يتجاوز 10 أسطر.. وواضح وسهل
وحلقة اليوم.. في 16 دقيقة بنشرحه.. ونفصل في جزئياته عشان تعرفون انتم وش بتوقعون عليه..
لا يمكن تحقق النجاح والهدف الأسمى اللي تبغاه بدون ما تتحمل المسئولية مثل ما ذكرنا في الحلقات السابقة، واللي ما استمع للحلقات السابقة.. أنصحه يرجع لها عشان ما يحس انه ضايع..
طيب وش معنى تحمل المسئولية.. وكيف أتحمل مسئولية أشياء مالي ذنب فيها وما جبتها لنفسي.. وشلون.؟
لابد تحط في بالك..
أن الوضع اللي انت تعيشه اليوم.. هو نتيجة مجموعة مركبة من القرارات والافعال وردود الافعال اللي اتخذتها في الماضي (أو رفضت انك تتخذها) التصرفات اللي سويتيها في الماضي أو رفضتي انك تسوينها لأي سبب..
وعلى فكرة… القرارات والافعال وردود الافعال اللي تسوونها اليوم.. راح تحدد موقعك وحالك ووضعك بكرة..
سواء اعجبك حالك أو لم يعجبك… هذا الواقع اللي يؤمن به الناجح..
لطلب نموذج من عقد النجاح..
الرجاء تعبئة النموذج المرفق
https://forms.gle/tCBcHLv3F3xWkZ1W6
أو أرسل إيميل بعنوان طلب نموذج عقد النجاح على [email protected]
وسيتم ارسال النموذج خلال 24 ساعة
اتمنى لكم الاستمتاع في الاستماع..
وانتظر تعليقاتكم وتجاربكم
رابط الحلقات
