عام 2019 وش تغير؟ عام 2020 وش تبغى؟.
ياهلا وسهلا..
حياكم الله في الحلقة الخامسة من برنامج “شطحات من القمة” مع محمد اليحيى
تكلمنا في الحلقات السابقة عن أربع أساسيات لتحقيق النجاح في الحياة
تكلمنا عن تحديد الأهداف في الحلقة الأولى،
ثم تعرفنا على أعداء النجاح اللي ممكن تواجهونهم في طريقكم.. في الحلقة الثانية
وفي الحلقة الثالثة تكلمنا عن الأعذار اللي يستخدمها اللي يفشلون في تحقيق أهدافهم
وفي الحلقة الماضية الرابعة.. عن القرارات اللي نتخذها وكيف انها هي السبب في وضعنا الحالي ووضعنا المستقبلي وأنه في يدنا نغير الوضع اللي نبغاه.. ووقعنا اتفاقية النجاح اللي ارسلتها لكل من طلبها..
اليوم بنشطح شوي.. ونغير الموجة لاننا في نهاية عام 2019.. والأربعاء الجاي بنكون دخلنا ان شاء الله في 2020..
فحبيت اني اتطرق لهالموضوع.. وكيف يكون له علاقة بمشوارنا..
قلنا في الحلقة الماضية إن القرارات اللي اتخذناها هي السبب في وضعنا اليوم..
والقرارات اللي بنتخذها اليوم هي اللي بتشكل وضعنا في المستقبل.. سواء كانت القرارات أفعال نقوم بها.. أو ردود أفعال نختارها مقابل حدث صار لنا بدون رغبتنا..
فعشان كذا.. لازم الانسان الناجح كل فترة يجلس يقيم الوضع الحالي… ويشوف..
كيف بتعرف ان قراراتك اللي اتخذتها كانت صح والا غلط..
انك تشوف.. هل ودتك هذي القرارات للوضع اللي انت تبيه.. وهل هي جالسة تشتغل مثل ما تبي.. هل هي ماخذتك للطريق لاهدافك..
والا لا؟ والسؤال المهم.. هل هي جالسة تقربك للهدف الأسمى.. وإلا تبعدك عنه؟
اتمنى لكم الاستمتاع في الاستماع..
وانتظر تعليقاتكم وتجاربكم
رابط الحلقات
https://soundcloud.com/malyahya
