جسمك له صوت لو سمعته عمرك ما تتخن ولا تضطر تعمل دايت – يوميات واحدة ست

التغذية اااها الحلقة المنتظرة …. ازاي ازاي ازاي بتخس يا حبيبي ازاي من غير دايت من غير رجيم
0000البداية
تعالوا بقى نتفقق ان الحلقة دي هي بداية رحلة ممكن تستمر شهور ممكن تاخد سنين بس ف الاخر اللي حينجح ويفهم الحلقة دي كويس  حيكسب مكسب كبير
شوف الطفل الصغير أجدع منك عنده بديهية وطبيعة وتلقائية معكرهاش العالم والمجتمع والانفلونصير  ف لما بيجوع بياكل ،.. لكن انت لماتزعل تاكل تحزن تاكل تقلق تحبط تاكل تخرج تاكل تقعد ف البيت تاكل تزهق تاكل تحتفل تاكل برده
الحياة اجبرتنا منبقاش على طبيعتنا .. شوهتنا ولخبطتنا خلتنا نخاف وبقينا نتلون ونلبس اقنعة  وكل دا خلى تصرفاتنا مدفوعة برغبةالمجتمع مش من داخلنا حتى رغبتنا في الأكل مبقاش الدافع الوحيد ليها الجوع او حاجة جسمنا .. ببساطة كدة لما كذا حاجة تحرككلقرارات وتأثر عليك بتفقد قدرتك على التمييز ان كنت عايز تاكل لانك جعان ولا زهقان .. ومن هنا بتبدأ مشاكل زيادة الوزن وما يتبعها مناكتئاب وزعل واضطرابات
دي مش حلقة علمية ولا طبية دي خلاصة الخلاصة لتجربة ف الفهم فهم نفسك وسماع صوت جسمك
رشاااا ازاي اسمع صوت جسمي ،،،، انت بتتفلسفي
تعالى انت ومراتك وولادك تعالي انت وجوزك تعالوا كلكم وخلونا نتشارك ف يوميات جديدة من يوميات واحدة ست
تقدروا تسمعوني نن خلال موقع الميزان او على ابل بودكست
عايزين نشيل التراب من على فطرتنا ونرحع زي ما ربنا خلقنا … ساعتها عمرنا ما حنحتاج نعمل .. دايت
دايت لااااا مفيش حاجة اسمها دايت ولا نظام حمية لإنقاص الوزن  …حد منكم عارفني او بيتابعني على انستاجرام  حيقولي بطلي بقىتتكلمي من وسع واستغناء امال انتي محافظة على جسمك ووزنك ازاي
و دي فرصة اجاوب فيها عن كل شخص طلب مني اشارك روتين يومي للاكل اللي باكله والطريقة السحرية اللي ممكن تساعده يخس
ايوة انت اللي قلتلي انا داخل على جواز الحقيني باي نظام غذائي استر بيه نفسي لما عملت ستوري لاكل صحي وانا رديت عليك قلتلك انالسه ضاربة بيتزا وانا بتفرج على ماتش الاهلي وانت ضحكت وقلتلي انا ضارب محشي وماله مش ذنب
انا مبعرفش اشارك مع اي حد روتين معين في التغذية لان معنديش روتين اصلا
وزنك كام معقولة توصلني راسئل كتير تقولي وزنك كام انا معنديش ميزان وبقالي اظن اربع سنين موزنتش نفسي من ساعة ما رجعتلفطرتي
وعملت ريست لجسمي وشغلته تاني مكنش سهل خالص رحلة مضنية … اني ارجع احساسي يشتغل تاني بس كانت تستحق
في الحياة بالنسبة للأكل في قاعدة عبقرية  كانوا جداتنا بيقولوها للأمهات أوقات لما تتحايل على الطفل ياكل تقولها سيبيه لما يجوع حياكل  ودا اللي كان بيحصل واول دروس الأمهات الحديثات متتحايليش ولا تساومي ولا تجبري ابنك على الأكل
 احساس الطفل باحتياجه للأكل كان مقصور على شعوره بالجوع لكن احنا لما كبرنا فقدنا الحدس دا بفعل المؤثرات الكتير و التسليع / السوشيال ميديا وغيرهم لكن من مدة بدأ صوت المجتمع  يظهر بضرورة الترويج لمفهوم  التغذية الحدسية Intuitive eating
مع ان الأصل في الحكاية الاكل دي انه ……….  لما بتجوع كل بس
انا حابة اشرك معاكم تجربتي لانه عايزة اقولك ان دا تحدي يستحق
انا عمري ما فلحت اني اعمل دايت  واكيد معظمكم زيي   اصلا الدايت دا  احد اسباب اقبالك اصلا على الاكل بدون ما تكون جعان …. لأنالدايت. دا نظام فيه حرمان وضغط على البني الادم ضد فطرته وضذ طبيعته … وكل حاجة بنعملها ضد الفطرة بتخسرنا
اكيد بتلاحظوا الناس اللي علطول عاملين دايت وعلطول عندهم مشاكل فالوزن
ومهما تعمل دايت ولو خسيت شوية بترجع تاني لوزنك  …. لكن محمل باحباط وحزن واكتئاب وعدم رضا وقلة ثقة في النفس
الكوميك والنكت اللي بتطلع دايما على اصحاب الوزن الزايد لما ينوا يلتزموا بنظام حمية كلها بتحط من قدرتهم وبتشكك ف ارادتهم مع انهما اسوياء جدا ولو مكنوش كدة كانوا قدروا يلتزموا بالنظام الحمية
غير الانساني دا
حتقولي امال نخس ازاي وبنتخن ليه
تعالى نشوف احنا بنتخن ليه الأول
بنتخن لما ناكل زيادة عن حاجة جسمنا
طيب وعل كل واحد حاجته زي التاني .، اكيد لأ
طيب اعرف ازاي حاجتي من الأكل وان جسمي عايز ياكل ومحتاج ياكلهي دي اللي بيسموها التغذية الحدسية اللي هي  في الأصل هيفطنتك انت واحساسك انت وقرارك انت لكن المشكلة ان الفطنة والاحساس بيتشوش
ركزي معايا احنا دلوقت محتاجين نبقى قادرين ناكل بس لما جسمنا يحتاح ونتبسط طبعا لكن مع اللي حاصل  حوالينا مبقناش بنعرف هواحنا جعانين ولا بناكل علشان زعلانين ولا زهقانين ولا حزانى
محدش بقى فاهم حاجة
وهنا لازم وضروري ولابد نركز ف القواعد اللي لازمة وضرورية لاعادة الحدس تاني
حتة شوكلاتة كدة دي كاكو خام مرة جدا بس انا بحبها
لكن ايه اللي خلانا ناكل لأسباب تانية غير الجوع وايه هي القواعد اللي لازم ننتبه ليها
-أول حاجة نرفض الدايت  بمعنى اخر جميع انظمة الحمية الغذائية لازم نرفضها لانها هي سبب من أسباب اضطراب الحدس ( الاسم دااختراعي ) وانا بسجله هنا باسمي
اهلنا زمان كانوا بيسموه ريجيم احنا كبرنا ودخلنا المدارس اللغات واكتشفنا ان ريجيم بالإنجليزي تعني  النظام السياسي وعرفنا ان الحميةالغذائية اسمها دايت .. بس والله اهلنا كان عندهم وجهة نظر لان الدايت دا بيضغط علينا زي اي نظام سياسي في العالم شغلته يضغط عالناس ماهي مش فوضى اصلها
وطبيعي لما تعمل دايت واحرم نفسي واجبر نفسي على نوعيات وكميات وتوقيتات ان العقد حيفرط وارجع اكل بشراهة بعد حرامان او اكل كلاللي ف التلاجة طالما قررت تبدأ دايت اخر الأسبوع …. كل الممارسات دي بسبب الدايت وكلها بتسبب اضطراب في الحدس الغذائي ودامصطلح انا اخترعته دلوقت …  وانا بكلمكم
لان الأصل ان الحدس يبقى شغال احنا مولودين لما نجوع ناكل وأي خلل بقي في الفطرة هو اللي  يسمى اضطراب
احنا اضحك علينا
اول دايت عملته كنت ف اعدادي مع ماما والحقيقة هي لا قالتلي غلط ولا غيره ولا كانت تعرف غير انها وبابا كانوا دايما يخوفوني بجملة انتعندك قابلية للتخن .. الجملة دي سمعتها اكتر من بحبك يا رشا واللي بحكيه دا بحكيه علشان لو حضرتك ام او اب لطفل مليان شوية او زيما بنقول شابي بيبي متغلطوش معاه او معاها
طبيعي الخوف يكبر معايا صحيح انا عمري ما كنت سمينة لكني عمري ما رضيت عن وزني وكنت بقيسه مرتين ف اليوم الصبح وبليل بهوسمرضي وكان عندي لبس معين عارفين اللي يكون قماشه لا بيمط ولا بيوسع بقيسه يوميا خايفة اتخن ،، عشت سنين مرعوبة اتخن زي مااتربيت
علشان كدة جربت انواع الدايت كلها لوحدي من  الكيميائي للنووي ومقدرتش استمر ومكنتش تخينة لكن عمري ما رضيت  عمري ما فهمتان كل انسان عنده وزن بيولوجي مناسب ليه زي طوله عرضه شكله بيبقي فيه وزنه …. يعني مان مستحيل اعيش عشر سنين هدفي فالحياة اني اپي نحيفة وشكل جسمي زي جينفير انستون لو شالوا من عليا راقات مش حيحصل دا مش وزني البيولوجي ..
نرجع بس لمساوئ الدايت
عارف لما يقولك البنزين حيغلى تنزل تلاقي الناس قافلة محطات البنزين وكان التموينة دي حتستمر معاهم للأبد ،،، لما يقولكِ اي مواد غذائةحتغلى او فيه حظر تجول زي ايام الثورات او الإغلاق العام في زمن الكورونا .. الهجوم على الأكل في السوبرماركت هو بالضبط رد فعلك لماتقرر انك خلاص حتعمل دايت … تخيلت اقتنعت مش كدة .. مفيش حاجة اسمها دايت
ارفض جميع انواع الدايت كيتو ميتو كفاية بقي اشتغالات كفاية بجد
-تاني حاجة بتعملنا اضطراب في الحدس ]مصطلحي دا ها …. وتلخبط احساسنا باحتياجنا الحقيقي للاكل
هو تجاهل الجوع او عدم احترامه … يعني لما تجوعيتجوعي  تقولي لا مش حاكل علشان متخنش لا بلاش احنا بليل
لا اصل انا عايز اخس انا زايد لاااااا …. انا بقولك انك لما تجوع تاكل وطالما عايزين نؤكد على القاعدة دي يبقى لازم نستجيب للجوع ونخليهيكون الدافع للأكل ما هو لو ماكلتش وانت جعان .. يبقى حتاكل لاي سبب تاني وزيادة عن حاجتك انا بقيت باسمع لجمسي ف كل حاجة وداكان افضل لايف ستايل عرفته ف حياتي كفاية ضغوط لو اكلت وبعد نص ساعة جوعت اكل تاني مش كل يوم ولا كل فترة زي التانية لازماعزز ثقتي ف جسمي علشان يرجع صوته يعلى من تاني
خلاص بقى كفاية سكوت يا جسمي كفاية قيود
،،،،، انا بحمسك لاني عارفة قد ايه الرحلة تستحق
تالت حاجة اللي عندهم اضطراب ف الحدس بيعملوها غلط تصنيف الأكل .. دا اكله بالليل ودا الصبح دا سعراته الحرارية كبيرة دا خفيف .. خلينا ناخد تفاحة بالليل .. بس انا مليش مزاج اكل تفاح عايزة اكل ساندوتش جبنة حقوم افتح علبة فول ،،، لا عايزة اكرر وجبة الغدا فيفطيرة كدة بتناديني
لما تصنف الأكل النتيجة الحتمية انك حتاكل التفاحة وبعدها ساندوتش الجبنة او الشوكلاته اللي عينك كانت فيهم فكان من الاول ووفرناالتفاح
وخلي بالك ان تصنيف   لاكل لضار و وحش  واكل كويس او مفيد. بتخليكي  تحرم نفسك من اصناف معينة لمجرد ان تصنيفها عندك سيئانا لغاية دلوقت معرفش ايه اللي بيعيب المحشي ويخليه مرادف للخبطة ف الاكل صورة ذهنية غلط هو انا لو اكلت خمس 6 صوابع محشيمنا حشبع ولو اكتر بس اول ما اشبع وقبل ما امتلئ اقوم … مش عشان خايفة اتخن ولا يا سيدي اقتداء بسنة النبي عليه الصلاة والسلام لاعشان انا لما بطني بتتملي بكون اقل قدرة على التركيز والانتاج وبققى حاسة بعدم راحة وبالتالي انا ببقى شبعانة من قبل الامتلاء
مفيش هنا اي داعي اني احس با ذنب
الحقيقة انا بقالي وقت نادرا ما يعدي اسبوع من غير ما اكل شوكلاتة كذا مرة ومبعدش
ومكسرات احيانا  كل  وحصلت كدة اني علقت على نوع شيبسي جديد كان عجبني خد زمنه وراح واوقات سلايز بيتزا .. مش كل يوم طبعاواوقات سلطة او بوب كورن او مببقاش عايز حاجة خالص
المهم اني بطلت اصنف الاكل لان الممنوع مرغوب فبطلت اعمل جوة عقلي قايمة ممنوعات وافضل افكر ازاي احصل عليها ..
 كنت باكل كيس كبير يوميا ومحصلش حاجة
متخافوش انا مش بروج للخبطة لكن عشان اسمع صوت جسمي عالي لازم اشيل ايدي من عليه والغي كل الافكار السيئة
الأفكار اعداء حقيقية لما بتكون متسلطة علينا وعلى فطرتنا
رابع حاجة احنا مبنعملهاش .. نسمع لجسمنا .. نستجيب له عايزة اكل حاجة حلوة .. اعمل دا اكل طبيخ كدة واكل سخن اعمل دا
القهر دايما نتيجته تمرد وجنون  وتكسير حيطان .. لما بتثعر جسمك بيطلب اكل (كرايف ) على حاجات كتير وكلها غلط وتلاقي نفسك رايحةلكل حاجة غلط ولا تهدا تحلي وبعدين تحدق وترجع تحلي … بتحصل متنكرش
ااخامسة بقى تحدي وعدم تحققها بيلخبطنا وبيخلي فرصة اننا نرجع مستقرين ونقدر نحدد جوعنا من شبعنا من زعلنا وهي الرضا عنشكلنا وجسمنا ووزننا
طبعا مش عايزة اقولكم بقى المجتمع والاعلانات وعارضات الازياء وملكات الجمال من قبل السوشيال ميديا ازاي اجرموا في حقنا ورسمواصورة ذهنية عن الجمال والانوثة حقبة مليانة وحقبة نحيفة حقبة بتضاريس وحقبة فلااااات .. وانتوا بقى يا تنعزلوا وتتخبوا وتتفرجوا علىناس عمالة تنفخ وتفضي حسب مؤشرات الموضة والدارج
غير الاهل والاصحاب والمحيط اللي دايما بيوجهك وبيوجعك تخنتي خسيتي مليتي بس البسي حاجة مختلفة علشان انت مليانة من تحت لاانتي عريضة وكبيرة من فوق .. حلوة بس مقروضة .. تيني يعني بوتيت يعني
كل دا بيخلينا نقتنع اننا قادرين نوصل للجسم والشمل اللي بنتمناه او اللي المجتمع رشحه لينا وعجبنا وغالبا بيكون الجسم الأبعد عنطبيعتنا ..
ههههه انا طول عمري عايزة ابقى جينفير انستون عضلات بارزة نحيلة جدا وشي معضم اللي هو مستحيل يعني كان الاقرب اني اتحركناحية جنيفير لوبيز جي لو لكن لا انا اختارت المستحيل واتمنيته الغريب ان صديقاتي النحيفات قالولي احنا عملنا المستحيل علشتن نكتسببعض الامتلاءات والكيرفز وفشلنا وضحكنا واحنا بنقول ف نفس واحد نبدل ؟
لما تقبلت نوع جسمي وقابليته لانه يكون عضلات باررة وفهمت ان الجسم دا زي عينيا ولون شعري زي لوني .. لو كان المجتمع سابنا ف حالناانا عمري ما كنت ححاول اغيره واسخط عليه لاني كمت حفهم اني جزء من هويتي الشكلية انا عمري ما لبست ولا حبيت العدسات الملونةخصوصا لو زرقا ومعاها شعر اصفر مش انا مستحيل .. وكمان النحيفة مش انا مستحيل
تقدر يكون شكلك صحي وممشوق بس يفضل بشكلك وحجمك وحتكون جميل
حتى وزنك كل واحد له وزن بيولوجي جيني علشان يحافظ على الشكل بتاعه وبالتالي مهما يضغط على نفسه مجرد ما يوقف الضغط الزايدان كان بحرمان من اكل او ادوية او الحاجات اللي بيتقال انها بتزود الحرق …. كل دا خرف محض خرف … مجرد ما ترفع ايدك عن جسمكحيرجع لوزنه زي ما تبقى دايس على سوستة وتشيل ايدك فترجع لحجمها .. عارف حياتك بتبقى عاملة ازاي وانت حاطط ايدك وضاغط عالسوستة هههه متخيل ممكن تعمل في حياتك ايه تستمتع تنجز تعيش تحلم وانت عندك ايد متثبتة ومركزة تفضل ضاغطة ..
هما بس ليه مقلولناش الحقيقة .. ايه التقدم العلمي والتحضر دا اللي حول حياتنا لجحيم .. انا حقول مكنوش يعرفوا !!
سادس حاجة ممكن افتكرها وانا بكلمكم عن لخبطت احساسنا بحاجة جسمنا للاكل وبالتالي بنتخن
هي اننا نتعلم ازاي نتعامل مع عواطفنا غضبنا زعلنا فرحتنا اكتئابنا احباطنا .. غير اننا ناكل (فكرة انك تدفن احزانك في الاكل ) دي مشحاجة تضحك ولا طريقة ههه فعالة ولا نصاحة منك الحقيقة انت بتدفن نفسك اكتر ف الحزن او الغضب او اللوم دوامة كا يعلم بيها الا ربناوكلنا عشناها
حتقولي ازاي
شوفوا ناموا كفاية اشبعوا من النوم وكل واحد وطاقته في حد يقوم مرتاح ورايق ومركز بعد خمس ساعات في اكتر .. شبع جسمك واديلهكفايته
عايزين نخرج قلة النوم من حسابات اسباب العصبية والتوتر وعدم الاستقرار اللي بيدفعونا للاكل
كمان لازم توعي وعيك يعني صحيه كلمه قوله انا زعلان انت عارف انك مضايق عارف ان حزين بس وعيك كسلان فبيسوقك للتلاجة حل سهل.. او لرقم الدلفري وخضوصا بقى لما تبقى مبتحترمش جوعك وبتسيبه يلح عليك وتطنشه ف كع هجمة الزعل بتسلم بترفع الراية البيضاوبتنتقم وانت فاكر انك بتخانق اللي مزعلك وانت بتزعل نفسك اكتر .. عارفين انتوا طبعا احساس الذنب بالذات البنات بعد العملة دي والليممكن يتطور ودا كلام مهم لاحساس بانهزام وانعدام ثقة وتقدير اقل للذات ما انا كان نفسي التزم بالدايت كان نفسي اخس وبدل ما انجحلاني معدومة الارادة اتفجعت ولا اكلت بشراهة خلاني احتقر نفسي واقرف من نفسي لو كملتوا ف السكةدي نهايتها بقى بتبقى كارثية .. وهي الاصابة بمرض من امراض اضطراب التغذية سواء نخاف م الاكل خالص زي اضطراب التغذية العصابية او نبدا نحاول نتخلص منالاكل باننا نجبر نفسنا على ترجيعه او شراهة لا تتوقف لغاية ما المستشفى توقفنا …. دي نهايات تخض بس اللي بيخض انها شائعة ومشبعيدة ومرتبطة ببعض توجيه ولوم من الصغر وصم ضغط مع مجتمع بينيم الوعي ويغيب الفطرة ويعطل الحدس
طالما صحيت الوعي وبقيت عارف انك بتروح للاكل علشان اسباب غير انك عايز تاكل بجد قوم من مكانك انزل اتكشى اسمع مزيكا متسلمشمتكسلش جرب اطلب حد صاحبك كلمه زوغ من الاحساس الغلط … لكن لو عايز بقى تسيطر على الاحساس دا وتلغيه وتنسفه ودي اظنالحاجة السابعة اللي حقولهالكم علشان تتخلصوا من اضطراب الحدس دا ..
العب رياضة العبوا رياضة دا السابع والمليون
دايما بقول لاي حد بيتابعني وعارف ان باكد ع الرياضة انا بلعب رياضة لمليون سبب مفهومش اني اخسر وزن انا مبلعبش رياضة علشانينقص وزني انا بلعب رياضة علشان اكون مبسوطة علشان اتبسط علشان استمتع … ويمكن الرياضة تحديدا وتجربتي معاها محتاج حلقةلوحده بس انا بلعب رياضة من سنين طويلة من اول ما كانت بتوجيه اهلي وانا طفلة علشان متخنش بتخويف اهلي انا عمري ما حنسى انبابا كان بيقعد ع السفرة وكلهم استعدادا للغدا ويخليني العب ربع ساعة تمرينات دونًا عن اخواتي عمري ما حنسى قد اقتنعت وقتها انيفاشلة لان الرياضة مبتخسسنيش وازاي انا عندي مشكلة ولازم اخد بالي ورغم اني عمري ما تخنت زي ما قولتلكم لكني عمري ما نجحتكمان ولا رضيت فضلت العب رياضة لغاية ما كبرت اروح الجامعة مشي مشوار كان طويل اجري حوالين سور الكلية الحربية والناس تخافعليا لاقع من كتر المجهود وبدون نتيجة اواظب على الجيم مفيش فايدة اشترك في اغلى واشهر جيم اغير الجيم اجيب مدرب خاص .. تخنت:))) لغاية ما صالحت نفسي حتة حتة دي رحلة طويلة والشفاء مشوار يستحق حبيت نفسي واديتها اللي هي عايزاه بطلت احرمها واانبهاواهزقها بطلت اقف ع الميزان انا معرفش وزني كام مش مهتمة ولا قلقانة ولا محتاجة وقفت على المات في وقت صعب نفسيا لكني كان وعيييقظ وفاهم كان وعيي اشتغل وعارف ان كل صعب لو انا كويسة وقوية حيمر لان كل حاجة بتمر لكن على حسابنا وانا مش عايزة اخسرنفسي وبدات اختار واجرب العب ايه من انواع الرياضة طب العب وانا بسمع مزيكا ولا وانا بتفرج على مسلسلات ولا وانا بسمع ملهميني فالحياة .. الاي بشاركهم في القيم نفسها ف الاحلام نفسها وواحدة خد بايدك بنفسك وطبطب عليها وابدا انت دلوقت مكسل تقوم مستتقلتقف وتبدا بس قدامك النور ف اخر النفق ووعود بتحقيق الرضا عن نفسك وعود بالسعادة مع معادلة افراز هرمونات السعادة اللي بتفرزبالانجاز انت موعود بالتغيير من جواك اتسلى اتبسط لما انا بدات اعمل دا كان زاد وزني بشكل غير مسبوق محصليش قبل كدة من ساعة ماجبت 98?? ف الثانوية العامة واتجبرت ادرس تخصص غصب عني .. اللي بحكيه دا حصل من 2016 التحول دا بدا بعد الخلاص منالضغوط حتى شكلي كان عجوز مهموم مهزوم انا كنت بقف على المات وارص الاوزان وابكي من الوجع وجع الروح وجع النفس والظرفالصعب لكني كنت بقول مش حيهزمني .. وحصل اورقت زي اي نبات بتهمله ويبقى ضعيف وهش وكله نازل كدة خزين باتجاه الجاذبيةالارضية .. رجعت تاني لنفسي بس المرة دي رجعت خالص متخلصة من الشكل والجسم اللي مش عاجبني وفهمت ليه مكنش عاجبنيوفهمت ليه كنت عايزة ابقى نحيفة جدا .. مكنتش عايزة حد ف الشارع يبحلق فيا او يبوصلي مكنتش عايزة ابقى ملفتة .. ماهو مش بايديشوفتوا المجتمع بيعمل فينا ايه لما بينام الوعي بنبقى زي العجين ف ايد اي خباز قادر يشكل منها زي ما هو عايز ويعيد يعدل اللي شكله
علشان كدة مهم انك تسمع البود كاست دا كذا مرة  حطه في مكتبتك يلا
الوعي علشان يصحى محتاج تكرار زي ما اتشوهنا بالتكرار متفتكرش انك لو عرفت انك لا م تلعب رياضة علشان تبقى صحتك كويسةوعلشان تتبسط وعلشان وعلشان وميكونش هدفك خالص انقاص وزنك فانت بمجرد ما تعرف المعلومة دي حتغير دوافعك .. الدوافع مشبتتغير بمجرد معرفة المعلومة لازم نؤمن بيها فعلا نصدقها
انا بعد سنة معرفتش ان شكلي اتغير وان كلي اتغيرت غير من الناس مكنتش مهتمة باني اراقب التاثير
كفاية تفهم ان الرياضة هي خروج طاقة من جواك مشحونة بضغوط وزعل واحباط وبيدخل مكانها طاقة مليانة بالقدرة والثقة والانجاز حياتككلها حتتغير
انا معرفش تاثير الحشيش لاني مجربتوش بس من القراءة ومن التصور اللي السينما قدمته للمحششين اقدر اقولك اني بعد تمرين حلوخرجت فيه طاقة كبير ببقى عاملة دماغ .. لو قالولي الحرب قامت ارد اقول راحت على فين
خسرتي شغلك ارد اقول وكسبت حريتي طب ابنك تعبان الحمدلله بسبطة وحيخف
في رحلة الاستقرار حتكتشف اصناف بتتعب معدتك .. منا كنت مريضة قولون مزمنة بطني دي مكنتش بعرف اتخلص من نفختها ومن واناعندي 16 سنة .. مش عايزة اصعب عليكم بس انا مش لوخدي البنات في مجتمعاتنا اكتر عرضة واصابة للامراض النفسية والعصبية بسببانهم بيتعرضوا لضغوط اكبر .. القولون العصبي ملوش علاج حتى بمنارسة الرياضة بدون وعي وحب واستمتاع ومن شنطة الادوية لقوائمالممنوعات في رحلة التصالح مع النفس اكتشفت بالصدفة اني بكون احسن لما ماكلش لحمة وفراخ وان العيب لا ف البقول ولا ف الخضار …
اقولكم حاجة انا اكلتي المفضلة دلوقت فول وبصل اخضر حامي .. بنبقى طابخين ومكلفين وانا اكلي دا سعادتي وانا باكله ملهاش نظير
كل واحد فينا غير التاني احنا مش نسخ مكررة احنا مختلفين قوي في كل تفاصيلنا وكلنا مهمين وكلنا حلوين علشان كدة في رحلتك حتعرفحتسمع جسمك صح
العلم لا خلاف عليه يعني لما يقولك الزيوت المهدرجة ضارة الدهون الكتير طالما المجهود لا يعادلها غلط السكر والدقيق الابيض مضر المعجناتقاتلة… انت حتفهم الكلام وحتقدره مش حتعتبره حرمان لانك مستقر وقادر تسمع لجسمك فلما تاكل حاجة علط جسمك حيزعقلك زي مابيعلي صوتي ويقولي يا رشا انا تعبت من البيتزا دي متجبهاش تاني الخ
مفيش حاجة صح للكل انت ممكن تكون بتحب تفطر وجبة كاملة جسمك بيكون نشط وف ماس بتحب تاخد القهوة ومعاها شوكولا او سناكوتفطر على واحدة اى 12 الظهر في ناس تحب تنام بدون اكل وفي ناس بتاكل بليل وتنام .. انا طول عمري اسمع زيكم ان خلي اخركالساعة 7 ف الاكل وانت حتخس .. دي قيود لازم  تنسفوها انا عملتها سنين وخذلت نفسي سنين لكن الحقيقةلما صالحت نفسي وسمعتصوت جوعي مكنتش كل حاجة انحلت مش طبيعي اعيش يومي بفكر ف الاكل واللي حيعمله فيا وخسارتي منه وخسارتي معاه مكنش عندكوقت يوم وجعت الساعة عشرة بليل كل فورا مقولش لا الوقت اتاخر بلاش نتدخل في طبيعتنا ونبوظ حدسنا ونسوقه بقواعد عمرها ما فلحت
شوفوا انا مش متخصصة في التغذية انا ست سمعت من يوم ما اتولدت انظمة غدائية من المتخصصين غيروها زي ما بيغير مصمصيالازياء الموضات علشان يبيعوا واحنا نلبس ونتسلى ونلبس برده ف الاخر
لما وصلت وتاكدت من ان ادراكي لصوت جسمي من تمكين حدسي هو الحل مكنتش اعرف ان دا اسمه التغذية الحدسية زي ما قلتلكم فالاول وانه معترف بيه يمكن من التسعينات وان بدا يبقاله متخصصين هو كمان بس وانا بجهز احكيلكم انا ازاي مبقتش بتخن ومبقتش اعملريجيم  او دايت واني بقيت سعيدة ومش مضغوطة قلت كصحفية شوفي كدة الحكاية دي فلقيت بقالها اصوات يمكن مش عالية ويمكن قلتازاي مقراتش عنها في رحلتي اخر سنتين تلاتة ازاي معرفتش وهل لو قرات اللي بيقولوه عن التغذية الحدسية كنت حعرف اطبقها .. معرفشبس انا عايزاكم تدوروا بنفسكم تجربتي لو كانت مجرد حافز لكل واحدة وواحد فيكم لانه يبحث ويغير حياته ويوفر طاقته اللي بتضيع فيسلسلة من الفشل حكون راضية ومش بس كدا … ابدأوا البحث بعد سماع الحلقة دي علشان اكون كمان فخورة
اسمعوا البود كاست هبر التطبيقات ……… ولا تنسوني من نقيماتكم ومشاركتكم لعلما نكون اسباب لبعض .. ممكن اتلقى تعليقاتكم عبرانستاجرام او توتير رشا الشامي .. نفس عميق وفكر كدة مش مستحيل نعيش حاطين ايدينا على السوستة … شيل ايدك وخلي الحقيقة تبان
ملاحظات
التغذية الحدسية
وقد صاغت كل من إيفلين ترايبول وإليزي ريش هذه التسمية في كتابهم التغذية الحدسية (Intuitive Eating) الصادر في عام 1995.[1]
مبادئهاخلينا نكمل
اكتب ورايا والكلام دا حتلاقي ف عشرات المقالات على جوجل بس مين يصدق ومين يفهم
ومين لما يفهم يطبق ومين لما يطبق يكمل ويستمر ….
المهم في حاجة اسمها
4- المقيّدات الغذاي?ية ودي وجب التخلص منها  …‏انا باكل عشان دا نشاط طبيعي فطري فيه حانب متعة وجانب للاحتياج وطبعا الدافعالجوع لو التزمت بقى باني لازم اكل سلطة كل وجبة لان دا قيد وضروري و حاجة كويسة والكربوهيدرات والسكريات حاجة سيئة مينفعشاكلها حكرس للمشكلة اللي هي اضطراب الحدس
 … انا عشت سنين اشوف والدتي تحط البروتين والسلطة وتاكلهم ومتمدش ايديها على الباستا العيش الرز والحقيقة عمرها ما نجحت فضبط وزنها قوي وعمرها ما بطلت دايت وطبعا بشوف اللي حواليا … نفس الحكاية احساس بالذنب مستمر  انا النهاردة مكلتش سلطة طباعوضها بخيارة وخساية اخد برتقانه ،،،، وناكلهم بدون ما نجوع وناكل عشان قيد الوجبة المفيدة وطبعا انتوا خلاص يعني فاهمين ان اي قيدلابد من  كسره
خامس حاجة
5- اسمع ا?شارات الجسم …اجوع اكل اشبع اوقف لسه مجوعتش ماكولش مش مقرر لازم اخلصه ..لو جعت بعد ما كنت لسه مخلصة اكلاكل تاني طبعا الدايت او الحمية الغذائية هي النظام والمقرر اللي بتجبر عليه بتوقيتات وتتابع معين عشان كدة الاحرار واللي ع الفطرةبيفشلوا ف الدايت برافو عليكم
مين فيكم ممرش بفترة وزن الجرامات وحساب السعرات … منهم لله اللي شوهونا
6- الرضا …دا بقى عايزة حلقة لوحده وهو كفيل انه يدفعكم للاكل بشراهة وباضطراب وبيكون عدم الرضا دا من اهم مسببات الاضراب فيالتغذية ودي امراض على فكرة
تعالوا نراجع العبارات اللي دايما بنقولها انا حدفن احزاني ف الاكل الروح محتاجة صينية بسبوسة النفسية عايزة فتة …. عدم الرضاحيخليك تتجاهل عامل الجوع ويبقى بيدفعك للأكل مشاعر مضللة وعاطفية وملهاش دعوة  خالص باحتياجك او رغبتك في الاكل وطبعا انتوحافظين النتيجة ها قولي معايا ايوة ….. ندم ثم اسى ثم احباط ثم نرجع ندفن احزانا ف الاكل تاني ثم ندم واسى واحباط ههههه الحلقةالمغلقة دي بتحتاج انك تقف وتكسرها وانت بتكسرها حتحتاج تسترجع كل اللي انا قلته دا وتستجمع قوتك وتحفز نفسك وتتحمل بعد ادراكوفهم وتكسر الحلقة دي على شرط ونية انك مترجعلهاش تاني
وبديهيا
7- التعامل مع عواطفك دون اللجوء ا?لى الا?كل العاطفي …عندي سكر وبالتالي بيخليني عايز اكل حاجات مسكرة يبقى لازم اظبطه عندياكتئاب يبقى اسعى اني اعالج الاكتئاب عنذي قلقل محبط اتعامل مع قلقي واحباطي بشكل صحيح
انت حتقولي انت بتتكلمي وكان الواحد سهل يخرج من الاكتئاب او يتخلص من القلق؟
لا يا سيدي انا كنت بقوم من النوم اكل من القلق والاخباط واندم وبالتالي الادراك هو بداية الحل لكل حاجة لان كل عاطفة بتتشكل سواءنتيجة شيئ عضوي او نفسي ليها طرق تصريف غير الأكل والأكل بقى اسوء هو طريقة تصريف ف الوجود لانها بترحعك الحلقة المغلقة اللياتكلمنا عنها وبتزيد من مشاكلك العضوية او التفسية نيجي لرقم تسعة باين اهم حاجة الرياضة  روتينك ال يومي زي غسيل سنانك .. بتغسل سنانك مم يا خوفي طيب زي شرب المياه زيالصحيان من النوم حتى  الرياضة دي بالنسبالي زي  حتة الحشيش زي
شوف انا عمري ما شربت حشيش لكن انا شوفته مضرب المثل لتحقق المزاج الحلو من واقع الافلام يعني واللي بسمعه
انا حعمل بودكاست مخصوص عن الرياضة ولازم يكون قصير عشان تحفظوا على تلفوناتكم وكل ما تكسلوا تسمعوه
بس انا عندي جملة بكررها دايما
انا بلعب رياضة لمليون سبب غير اني اخس
بلعب عشان اتبسط وابقى سعيدة بمارس رياضات بحبها انا طول ما كنت بلعب عشان اخس او علشان احرق سعرات حرارية فشلت فشلذريع لا حرقت ولا خسيت ولا استمتعت وبالتالي ولا استمريت
البداية مبتكونش سهلة . لكن فالاخر بتوصل لانك وانت رايح تبدا رياضتك كانك على موعد مع الحبيب رايح مشوار حلو راجع من خروجةجميلة طيرتك م السعادة
اكتشف نوع الرياضة اللي بتحبها ودا مش حتعرفه غير لما تجرب
 انا مبحبش الاعادات ف التمارين ولا الكارديو اوقات مزاجي بيروحله لكن مش دايما بحب استخدم الاوزان جدا والعب بمب وبحب السباحةوالظروف سمحت بالاوزان والتمارين ف البيت فبقي مزاج ومتعة
خلي بالك خلي بالك المزاج دا حينسحب على الرضا ف التقطة اللي فاتت وبالتالي مش حيكون فيه حاجة للاكل العاطفي اللي بيدخلنافالمتاهات ايها
اااخر حاجة بقى ممكن اقولهالكم الجملة اللي بتاخد تريقة كتير من كتر اساءة استخدامها هي حب نفسك واهتم بنفسك اهتم بصحتك
في حلقة الميماليزم ، او العيش بالاقل ودي مهمة لازم تسمعوها اتكلمت عن ان انشغالك بضغوط فوق احتياجك حتخليك متركزش علىالاهتمام بنفسك وبصحتك وهي دي النقطة الاخيرةيعني انا  حعرف ان كتر الملح ف الاكل مضر وسام وحيتعبني ويعملي مشاكل فالضغط الخ وكذلك ف اكل معين سواء من اماكن مش مضمونة او الوجبات السريعة واحدة واحدة جسمي حيرفضها حيتعب لما اكل الاكلالمضر حيثور عليا صوته حيعلي ويعلى وانا حسمعه
مفيش راحة بدون مجهود احنا ابناء القوالب والتوجيه والاستغلال وعلشان نتخلص من كل الاثار الضارة اللي طالت روحنا وشوهتنا مينفعشنستصعب الطريق ونستسهل الوضع الغلط ونستسلم ونرجع نقول انا تعبانة انا مش عارف اخس انا مش مرتاح
وكل ما يتعلق بينا مرتبط ببعضه وصعب فصله الاستغناء الراحة الوصول والتحقق الرضا كلها تحديات مبنوصلهاش بالتكاسل ولا مصمصةا لشفايف ولا بالفرجة على الناجحين قوم انت وكون ناجح وكون بخير