انت ما تفكر فيه | بودكاست نقطة نور

اتفق كل المفكرين و الفلاسفة فى التاريخ وفى الحاضر على حقيقة عالمية بتدور حوالين سر واحد السر دا هو ان انت ما تعتقده  احنا بنعيش ف عالم من الفكر  افكارنا بتخلق تجاربنا وبالتالى بنختبر اللى بنفكر فيه  ونتيجة لده فان وجود افكارنا هى اللى بتخلق وجود حياتنا لما مش بنكون مبسوطين فى وضعنا الحالى بنفكر فى التغيير ونبدأ نفكر ازاى هنغير الواقع و محتاجين ايه  هل نشترى حاجات علشان نبقى سعدا اكتر وللا نسافر ونهرب من مشاكلنا  بندور دايما على مسكنات لعقلنا علشان تساعدنا على النسيان  لكن بنرجع تانى لنقطة الصفر وحاسين بعدم الرضا عن الواقع ومش مبسوطين وبعدها نفضل ف حلقة مفرغة من نفس الاحداث نحس باكتءاب ندور نشترى و نسافر وننسى  ونركز دايما على العوامل الخارجية علشان نغير الظروف  ودا بيحصل علشان بنكون فاكرين ان التغيير بيبدأ من برة  و اكيد البيئة المحيطة بتلعب دور فى تغيير الظروف و النفسية  لكن مش بتعالج السبب الجذرى للمشكلة  تفكيرك هو الدافع ورا شعورك بالاكتئاب وعدم الرضا  وعلشان كدا لازم نفهم حاجة مهمة لو انت عايز تغير الظروف لازم التغيير يبدأ م الداخل  لازم تغير افكارك لان الحاجة اللى بتفكر فيها بتؤثر بشكل مباشر على احساسك واحساسك بيتفاعل مع اللى بيحسه جسمك وردود فعل جسمك بتأثر على سلوكك والطريقة اللى بتتصرف بيها واسلوبك هو اللى بيحدد انت مين ووضعك فى الحياة بودكاست نقطة نور – نرمين كامل