أنا مع التنمر .. بس لو اقتنعت إنه بيهد حتتهد لأن العيوب أصل الاكتمال – يوميات واحدة ست

اها أنا مع التنمر

انا مش حربي المجتمع لمن حقي اني افرض على اللي عايز يتعانل معايا طريقتي وتربيتي
فاجآة على انستاجرام لقيت منشن ليا في حساب حديث اسمه كارهي رشا الشامي ومحطوط صوري جنب صور السحالي والصراصير….. انا فاكرة اكتر ردت فعلي من قلبي ضحكت وقلت كارهي رشا الشامي هو انا لحقت يبقى عندي محبين بعدين انا مش شايفة خالص ايشيه بيني وبين السحالي دي
ايوة انا فعلا كنت بشوف ايه فيا الهم اللي عمل الحساب بالتشبيه دا  يعني جاب الربط منين حتي الصور جنب بعض مكنتش مقنعة … ماهي حتى الإساءة مَعلمة وليها ناسها دا غير اني مبعتبرش السحالي والصراصير كائنات وضيعة يعني
…. بلاش سخافة بقى خليكوا معايا
تروح تعمل سيرش على الحساب وتسيب البودكاست  الحساب قفل خلاص … اللي عمله لما لقى كل صورة ليا وكل منشن مخلتنيش حتىاتحرك او اعمل اي رد فعل قفلها
لكن ليه ممكن ناس مشاعرهم تتأذي بسبب سخافات السوشيال ميديا او الحياة بشكل عام … التعليق على شكلنا جسمنا تقيمنا الذي لاينتهي ،،،، هل الحل فعلا في ان الناس دي تبطل ولا اننا نبطل نتأثر
ايه دا هو ينفع دي مشاعر غصب عننا
انا كنت شوبي شايلد كلبوظة يعني وكنت برقص على اغنية دبدوبة التخينة عادي يعني ينفع اااه كل حاجة تنفع كل حاجة ممكن تنفع بس لمانفهم … تعالوا احكلكم على مفهومي للتنمر وليه انا سميت الحلقة مع انا التنمر   وكمان عملت ايه مع بنتي لما واجهت تعليقات كتير علىجسمها وليه انا مش ضد التنمر
اهي يوميات جديدة من يوميات واحدة ست مع رشا الشامي على موقع الميزان وابل بودكاست متنسوش التقييم والريفيو وشاركوا البودكاست لو لقيته مفيد حيفرق معايا كتير
في المدرسة الابتدائية علقت بذهني اية من القران الكريم تقول ( بسم الله الرحمن الرحيم لا يسخر قومُ من قوم عسى أن يكونوا خيرًا منهم ولانساءُ من نساء عسى أن يكن خيرا منهن )
انا موقفتش عند النهي عن السخرية بس قد ما فكرت فالتبرير أو السبب اللي اعقب النهي انه قد يكون الشخص اللي انا بسخر منه داافضل مني فمينفعش اسخر منه وهو لا يستحق سخريتي – وافتكرها دي –  ومن دا فهمت
ان سبب السخرية اللي غالبا ما بيكون ظاهري أو سطحي يعني لا يطابق الحقيقة ولا الجوهر ومش هو محل تقييم الإنسان فالإنسان افضلبأمور غير المظاهر  اللي تستدعي سخريتك
بمعنى تاني التنمر غالبا متعلق بالشكل او المظاهر فلو انا قولت على واحد اقرع او قلت على ست ام مناخير كبيرة فدا لا يعكس حقيقيتهاكإنسانة ولا كلامي ووصفي لشكلها او شكله دا  له دخل بقدرها او قدره وبالتالي ممكن طبعا تكون لا تستحق سخريتي وتكون احسن مني
ايه دا هو في حد يستحق سخريتنا —— شوفوا انا مش حدعي المثالية انا كنت شريرة بس نزيهة برده واعتزلت كنت بوجع من يستحقزماااان لقناعتي اني اعاقبه ف الدنيا اللي احنا فيها لكن لما عاقبت الناس المؤذيين دول صعبوا عليا فوجعني وجعهم حتى لو استحقوهفبطلت علشاني مش علشانهم .. بطلت ارد الأذى اللفظي بمثله لاني لا استحق الطاقة والحمل السيئ من ورا رد الإساءة باإسادة
لكن لما حد قالي على صورة ليا من بعيد قوي انت كبرتي بقى وروحي شدي بشرتك محتاجة عمليات تجميل …. وبرغم اني عمري ما قدمتنفسي على اني فاتنة المعادي ودايما حاطه الاربع ولاد قبل اسمي من اول ما خلفتهم لكن لقيت نفسي بقوله علشان الناس اللي ف التعليقاتتشوف : اذا انا محتاجة شد بمعايرك فوشك انت محتاج ازالة…… اااه ما هو معلش يعني مش ممكن الشخص دا يكون افضل مني بايحال وخاصة ف الموقف دا وبالتالي بقى اسخر منه عادي  …
جايز يكون التجاهل التام هو الاختيار الافضل دايما لكن احيانا بتكون عايز تطمن الناس اللي بتابعك واتأذت علشانك من تعليق انك قادرتواجه ومش مكسوف بشرط يعني ان الموضوع مياخدش حجم كبير وتصوره علي انه معاناة انت ضحيتها …سينس كدة تستخدمه بعضالوقت لوقت محدود
عشان كدة انا سيبت التعليق دقيقتين وبعدين مسحته وعملتله بلوك لكن هل اضايقت ؟ وحياتك ما حصل …انا قمر عند نفسي ولما اكرمشفعلا ويارب يرزقنا العمر ونكون قدها حكون قمرين لان قيمتي في داخلي وانا عمري ما اقتنعت ان الشكل له قيمة ولا المظاهر بس هو حافظانك لو عايز تضايق الستات قولها بشرتك قولها تخنتي قولها كبرتي …بس مش كل الستات زي بعض احنا بني ادمين فينا الناضجة وفينااللي ف طريقها ومسيرها يوصل وفينا بقى اللي ربنا يتولاها برحمته
بنتي الصغيرة مرة قالتلي ان كل صورة بتحطها لنفسها على انستاحرام صديقاتها بيقولولها عليها تعليقات شديدة التقييم زي  ايه خسيتيقوي ايه لا كدة مليتي سنة هو دا بالضبط الحلو اثبتي  ويارت متخسيش عن كدة كملت وهي بتعيط وبتحكيلي قالتلي دا بيحطني يا ماميتحت ضغط ازاي اقدر افضل على الوزن اللي هما شايفينه مناسب ودا مش بايدي
بنتي ١٧ سنة يعني سن البلوغ النمو والمراهقة والتغيرات الكبيرة …. بس هي كمان بتلعب يوجا وبتتكلم عن الاكل الصحي وبتعمل اختراعاتمبهرة  على حسابها علي انستاجرام واصحابها بيعتبروها ملهمة ليهم
فانا سألتها سؤال هل صديقاتك دول بيعملوا كدة مع بعض ولا بيفضلوا يقولا لبعض على كل صورة ليهم … ايه الصورة القمر دي ايه دا سوسو سويت جورجس حبيبتي .. بنتي ضحكت وقالتلي زي اللي لسه واخد باله اااه فعلا بيعملوا كدة فقولتلها وطبعا فيهم اللي شديدة النحافةواللي مليانة واللي نازلة من البيت مش غاسلة وشها … ضحكت والدموع مالية وشها وقالتلي اااه فعلا يا مامي …. قلتلها صاحباتك شايفينكمختلفة بكتير عنهم شايفينك ملهمة  نجمة علشان كدة بيقيموكي كل لحظة هما مش قاصدين يوجعوكي او يضغطوا عليكي لكنهم مش فاهمينان تميزك في جانب من الحياة خلاكي ملهمة بالنسبالهم …. لا يعني ابدا انك قوية ومكتملة ف كل المناحي وهما كمان مقدروش يشوفوا فبعض اللي يخلي كل واحدة فيهم ملهمة في مجال ما
لكن عموما السوشيال ميديا وزمن الصور والاهتمام بالمظاهر والشكل زود الضغط على الناس اللي عندهم منصات – زيك واقصد بنتي اووغيرها خصوصا لو بيتكلموا عن المظهر او الرياضة او الصحة
طيب نعمل ايه يا بنتي …. تفهمي  انك بالنسبالهم نجمة ،،،، وبالتالي انت خاضعة للتقييم لانك عندهم مش مسموحلك بالنقص مع ان دا ضدالمنطق بس فهمك لدا حيخليكي متزعليش منهم
من ناحية تانية طلبت منها تعمل فيديو بما يوافق شخصيتها لانها بتعمل دا فعلا لوحدها  قلتلها اتكلمي مع الناس اللي ف سنك واحكيلهمازاي ان اي حد بيقدم محتوى او مميز في التواصل مع الناس عنزه جمهور حتى من شيلته .. والمدرسة كلها بتحبه هو انسان بيمر بمراحلوتغيرات وبيزعل وبيتجرح هو بيحس زيهم بالضبط وعنده نقاط ضعف زيهم بالضبط
 لأن تكرار الوعي بالشكل دا هو اللي حيخلي الآخر يغير نظرته لاي شخص بيشوفه ويتابعه من بعيد ،،، ودا اللي حصل عملت فيديو اناباعتبره انتصار ليا كأم كانت شجاعة فيه اتكلمت بثقة وقلب مفتوح ودموع بس هي كدة واجهت وفهمت … وحقيقي اقدر اقولكم ان المشكلةوالضغط دا انتهى وظهر عليها تصالح كبير مع تغيرات بتحصل عندها وتغير ف الشكل الوزن ..
طبعا مش دايما الامور بتكون بالسهولة دي ومش كلنا بنفهم ونعبر ونتخلص من اللي بيوجعنا بالطريقة نفسها لكن الإدراك لازم يكون واحد… ان كلام الناس مهما كتر مش حيغير ابدا حقيقتك ولا صورتك عند نفسك وان الكلام الوحش لما بيكتر غالبا بيكون كمان في كلام حلو كتيرمعاه بس الوجع اشد فتكا واثرا من الامتنان
في ناس متقصدش تأذينا بس بتشوفنا مختلفين عنهم وكبار او نجوم او ناجحين وبالتالي تقيمنا عندهم ب يكون مختلف يعني هما واقرانهملو خدوا ٧ من عشر يبقوا امتياز  اكسلينت جابوا a لكن لو غيرهم من نجومهم اللي بيتابعوهم جابوا الدرجة نفسها ٧زمن عشرة  حيبقواسقطوا ف نظرهم ..ودا مش بيحصل مع المؤثرين بس على مواقع التواصل دا ممكن يحصل حتى في نظرتنا لكاتب بنحبه فنان معجبين بيه اوحتي مع  امنا وابونا اللي بنعجز كتير اننا نفهم انهم بني ادمين زينا بالضبط جايز يكونوا اقل مننا  في حاجات وعندهم سقطات وعندهماخطاء وعندهم شكل عادي مش ابطال خارقين كاملين
هنا الإدراك بخلي استقبالنا صح
عشان كدة بنقول ان مينفعش حد يكون بيعمل عمل فني او ابداعي ويزعل من النقد بالعكس كل ما يكبر وجمهوره بيكبر نقاده وبيكترهواعداءه كمان … يعني بتزيد محبة بلاش معاها تزيد غباوة.
 ،.. احنا بنفرح بالمحبيين والمتابعين والمعجبين ونفضل نفكر ف طريقة نصرف بيها الاعداء والمؤذيين او المخالفين لينا ف الرأي او حتى نفرغالنقد الصحيح من مضمونه ونعتبره هجوم ممكن يخلينا نوصل لتفسيرات عجيبة زي ان فيه مؤمرات كونية مأجورة متسلطة علينا ونفضل نقولعلى كل رأي مخالف او معارض لينا تنمر انتوا بتتنمروا علياااااااا ونعلي ف صوتنا بقى
لكن فيه جانب بيكون معانا فيه حق وبيكون تعدي لكن كمان مننساش ان اللي ربنا رزقه يكون مصدر الهام للناس وخصه بمهنة او ملكاتللتواصل مع جمهور اكبر واداله شعبية وقبول حتى لو وسط عيلته او محيطه او شغله  لازم حيكون عنده منغصات من نوع النعمة نفسها ولازمزي ما حيوصل صوته للمحبين حيوصل للحاقدين وزي ما المحبين حيتكلموا الحاقدين حيعبروا هي  باكدج على بعضها لما مثلا لو انت مديرفي ادارتك او شركتك لما بتكون ناجح ومؤثر وقائد حيكون عندك ناس كتير معاك وناس ضدك لو كل الناس اجتمعت عليك يبقى انت مش تمام
ومينفعش تقول طيب والتعليقات ليه بتيجي على شكلنا وكلها سخرية ليه محدش بيجي يناقشنا ف مضمون اللي بنعمله ؟
 لأن ببساطة الحاقد يهمه انه يضايقك ميهموش انه يسمعك او يستفيد من اللي بتقوله اصلا وجايز يكون مش لاقي في اللي بتقدمه مشكلةودا سبب حقده او سواد قلبه عميه اصلا عن انه يشوف او يفهم هو متغاظ انك ف مكان هو مش فيه وبيعبر عن حقده  وبالتالي وبالمنطقيعني فكرة انك تستجيب وتضايق من سخريته ملهاش وجاهة يعني حاقد بيحسدك على مكانك فبيضايقك تقوم تضايق وانت فاهم دوافعه
فاهمة حتقولي بس الكلام بيبقى زي السم ومش لازم كل الناس تبقى بقدرتك على التحمل مش لازم كلنا نضحك لو صورتنا اتحطت جنبصورة صرصار
لا لا لا لحظة واحدة انا مقولتش اني تحملت انا ضحكت على مفارقة انه الحساب دا اتعمل لي بدري قوي وانا كل اللي بيتابعني كام الفلكن محستش ان التشبيه يعنيني اصلا عشان اتحمل او متحملش
وحقولك ليه وازاي … كل المواقف اللي بنتبناها تبدأ من الفهم صح … صح ولا انت ممكن تاخد موقف كدة من غير ما تدور الموضوع ف دماغكتاخده كدة مجاملة مثلا او غتاتة … لا لازم تتأمله تتدبره تتعود ان الجزء بتاع التفكير المعطل عندك دا يشتغل في مقابل انك تعطل تقليد الليحواليك حتي ف طريقة استقبالهم للهجوم او الاعتداء او حتى المدح
ودا موقفي من اي شخص يسيئ ليا ويكتبلي كلام سلبي … انا ف داخلي مش الشخص اللي وصفه وصف وحش ومعايرته ليه بشكلي اناحجيلها حالا لنها تزودني ولا تنتقص من قدري ف شيئ
شوفوا انا بتابع ناس كتير ع السوشيال ميديا الحقيقة منهم اللي بستفيد منه ومنهم اللي عندهم متابعين بالملايين وبيعملوا تكريس لكل حاجةانا مؤمنة ب عكسها  بعمل دا يمكن عشان دايما ابقى شايفة الناس بتتأثر ازاي وارصد الدوافع اللي بتخلي مؤثرين بيعانوا من قلة الثقةبالنفس وبيغشوا نفسهم يروجوا لقناعات غلط لكنها بتحميهم او بيستخبوا وراها ف الحقيقة وغصب عنهم بينقلوها للاخر يعني جزء مناهتمااتي الصحفية او الانسانية ……احسبها زي ما تحسبها
وفي ناس  تانية بتابعها لاني بقدر مجهودها ف المحتوى اللي بتقدمه وطلتهم كمان تشرح القلب منهم نجمة حقيقية في السويال ميديا انابهديلها البود كاست دا ليه؟
متابعينها كتير جدا ومخلصين و حسادها بطبيعة الحال موحودين لكنها بتتأثر جدا بتعليقهم السلبي لدرجة انها بتعلن عن ضيقها من اذاهمواللي بيكتبوه …. ليها وليكي وليك
انا حرد على واقعة معينة عشان اكون محددة واحاول اشرح وجهة نظري في عدم جدوى التأثر اصلا بكل تنمر ممكن نقابله ف حياتنا
نجمتنا الحقيقية الجميلة نشرت صورة ليها صورة لوشها بروفايل حد من المعلقين كتب ايه دا ازاي بشرتك كدة بالحبوب دي … انا قبلها بيومشوفت الصورة جميلة جدا وعملت لايك والدتيا بسيطة ومشوففتش الحبوب دي خالص هي مش بارزة ومش باينة مش موجودة
لكن النجمة شاركت التعليق السلبي دا تاتي وكتبت عايزني اعمل ايه مع تعليق زي دا .. انا مكنتش شفته بس هي لما شيرته انا شفته ولقيتنفسي بقولها بصوت عالي تضحكي ايه تعملي ايه يعني هو ايه دا اصلا ايه التعليق دا ايه علاقتك بيه دلا يوصفك
بس قررت تكون رسالتي عامة خصوصا ان دا متكرر كتير مع النجمة دي وغيرها مع كل الناس حتى غير المشاهير ودايما فيه عبارة دفاعيةبتتقال موخرا كرد فعل للإساءات دي وهي  ( نو وان از بيرفكت ) يمكن دي عبارة تبدو صحيحةلكنها بتتقال غالبا في تبرير شكل الجسموملامح الوجه وشكل البشرة وانا ويكتبوها على صورهم بدون بوزات انستاجرام او يورونا بطنهم البارزة او سنانهم الخ بصراحة شايفة انهاعبارة غلط ف غلط وغير منطبقة
وحقولك ليه قبل ما تتنرفز
بقى عندنا هوس بعمليات التجميل ومكتفناش بقى عندنا هوس بالفلاتر يعني مش مجرد لعب او استخدام للستوري لا دا انا بقيت بشوفكتير من البنات والستات تحديدا صورهم الشخصية في كل وسائل التواصل صور التعريف بقت بالفلاتر مبقتش اشوف مسام محدش بقىقابل شكله الحقيقي وصحيح النجمة اللي بهديها البودكاست دا اشتغلت ع الحكاية دي كتير ودا شيى محترم ومحل تقدير بس انا هنا بتكلمليه انا ضد عبارة نو وان از بيرفكت وليه عندي وجهة نظر مختلفة ف التعامل مع التنمر…
كل واحدة سلمت دماغها  وتاهت  قالتلك بس انا حكون ذا اونلي وان بيرفكت فاللي حصل ان ناس كتير قوي م المشاهير بقوا شبه بعضنفس المناخير نفس الشفايف نفس الخدود المعايير اللي اعتبروها مثالية  اتوحدت علشان طبيعي غالبية الناس عندهم هوس بالمثالية والكمالالشكلي للأسف
لكن انا بشوف الكمال في الشكل يكمن في شيئ واحد فقط …. شيئ واحد فقط وهو الاختلاف …. في وضوح الشخصية والهوية البصريةاو الظاهرية للشخص … ايه الكمال في النسخ المكررة المتشابهة حتى بمعايير النهاردة ولو اُعتبرت مثالية او جميلة ايه الكمال في اننا تقريبابقينا بنتلخبط في صور الفنانات ونجوم السوشيال ميديا من بعيد واحيانا من قريب
زمان لما كان فن الكاركتيور للبروفايل الشخصيات في عزه ودا ممكن نشوفه مثلا في بورتريهات جورج بهجوري مثلا حتلاقيه بيبرز اكترحاجة في ملامح الوش اختلافا بيركز عليها وبيكبرها علشان يبرز الشخصية في تأكيده على تفرد الشخص دا بصريا وشكليا دون غيرهواللي هو بالنتيجة يعكس تفرده حقيقة وجوهرا برده
فكل تفصيلة فينا مختلفة هي اللي بتكملنا لانها بتخلينا حقيقين الشفايف الرقيقة او المكتنزة المناخير الحادة او الشامخة الابية الجبهةالعريضة الوش المدور الطيب او الحاد الجاد او المنحوت الحلو الوحش دا
… مفيش مانع برده الواحد يدلع نفسه ما هو الناس كانت بتفتكرني عملاه عمولة وكل انسان عنده جمال ظاهر وكامن وخفي
صحيح العمليات التجميلية ابدتعت لتصحيح التشوهات الطفرات الشاذة انما مخترعوهاش علشان نبقى مكررين ونسخ مهما كانت متقنةبمقاسات قررتوا دلوقت انها الصح حتخلينا مسوخ من بعض
حتخلينا مش بيرفكت المسخ والأشباه مش كاملين ولا مثاليين
دا حتى في الصناعة بيعتبر دلوقت الشغل اليديوي هو الأغلى ليه لأن مفيش قطعة حتبقى متماثلة عمرهها ما تستنسخ وهي مصنوعة باليدساعتها واحنا بنشتريها بنبقى فرحانين قوي بالاختلافات اللي بتؤكد التفرد واللي يمكن لو. ا شغل الات تعتبر عيوب صناعة
 بنفرح بتفرد المنتجات وبننسخ نفسنا فما بالك بقى وما بالكِ بخلق ربنا سبحانه
عشان كدة يا عزيزتي بشرتك على شعرك على ضحكتك وشكل جسمك هو ما يجعلك انت فلانة الفلانية بمشوار وشخصية وضمير واحلامومستقبل يستحيل يتطابق مع حد بموهبة وقدرات مستحيل تشبه حد وبالتالي الأولى انك تدعمي كل ما يؤكد على تفردك علشان كدة لازمتضحكي وتعبري على التعليق بدون ما تتحملي او تيجي على نفسك او تحسي ان داخلك رغبة ف مشاركته او حتى يسيب جواك اثر
اجابتي على سوال المفروض اعمل ايه لما حد يكتبلي دا … ولا حاجة لإن اللي عمله ملوش غير معنى انك انت انت متفردة وبالتالي عدم فهمهاو محاولته كاي قطيع لنسخ الناس من بعض لا تستحق انك تتوقفي حتى اماماها
حتى الظواهر زي زيادة الوزن او الارهاق او او غيرها كلها بتكون معبرة ومعنونة لرحلتنا كلنا مرينا باوقات صعبة ولادنا صغيرين اولوياتنامختلفة دي حياتنا بالترتيب دا هي حياتنا ورحلتنا احتا ومش مضطرين نبررها لحضرتك
كنت لسه مخلصة ثانوية عامة وعندي حالة من السخط بسبب اجباري اني ادخل كلية غصب عني بعد مذاكرة ومجهود كبير ومجموع كبير  …مكنتش بعمل  حواجبي خالص عادي مكنتش كملت ١٧ سنة وعلى ايامنا كان السن دا يعتبر اطفال يعني صديقة جديدة قالتلي مالك يارشا بحواجبك دي عاملة زي فلاحين اليونان انا الوصف دا منستوش في حياتي لانه اسعدني بصراحة وانا لسه بقى راجعة مصر بعد سنينغربة  لاني  اعتبرته اطراء مش ذم يونان يعني حلوين فلاحين يعني علي طبيعتهم جمالهم فطري تماما انا زي الفل بس انت مش واخدة بالك—كنت بكلم الصديقة دي – اني ف مصيبة الكلية دلوقت ودا مش وقت حواجب خالص
وبالتالي انا اللي قررت ان دي مش اولوية ومش مهمة وعدم اهتمامي بالمظهر دا لا يحط من قدري ومش ناوية اغير خططي  انا مشغولةبشغل جديدة مضغوطة بتحدي ونجاح ومستمتعة جاتلي هدية شوكولا فاخرة كالتها وعملتلي حساسية دي حياتي بتفاصيلها مش حمشيابررهالك
للأطفال
التنمر ممكن يسبب طبعا مشاكل لو سيبنا  الصغيرين بدون دعم ولا تدريب على التعامل وممكن بيبقى خطر جدا  على بعض الانماط شديدةالحساسية لكن مينفعش برده نفضل  نهول من اثره ونضخم من خطره وكانه شيئ لا يمكن مقاومته او احتماله واثاره لا يمكن استيعابها وكلمن يقع عليه هو ضحية
انا في الحالة دي بعطل القوة والثقة اللي جوايا بعطل حتى فهمي للحياة للاخيار للأشرار للأعداء انا بعطل حتى تفردي واختلافي وببقىغصب عني بحاول استخبى ورا فلتير او ورا حطام نفسي
فياريت يكون فيه صوت يقوي الناس ويفهمهم التعدد والاختلاف ويعلمهم الثقة ويقويهم ان شالله يعني بنص حجم الصوت اللي بيدعوا الناسلعدم التنمر  ودا كويس طبعا
لو رجعنا لافلام ومسرحيات زمان واجمل كومديانات مروا علينا حتلاقي نص الحوار بقوانين دلوقت تنمر بس وقتها كان هزار كان لعب لان كلواحد كان عارف ان شكله احد اليات تفرده ولينا ف بق اسماعيل يس خير مثال
الحياة دلوقت بضغوطها زي ما بتدفعنا لصور شكلية معينة وتعممها  بتدفعنا كمان للاقتناع ان من يتعرض للتنمر هو ضحية وبالتالي انابخلي الانسان يستشعر الظلم وجاهز للتأثر علطول حيال اي تنمر يتعرضله … الله ضحية بقى فغصب عنه حيتصرف  زي ما المفروض ايضحية تتصرف يتوجع يقاوم يعاني يحاول يتخلص … يزعل على نفسه يا اخي يعني ليه دا كله الحكاية لا تستحق اصلا
في المجتمعات اللي فيها سيطرة لذوي البشرة البيضا بتعتبر يا اسود تنمر وممارسة للعنصرية لكن في المجتمعات اللي تغلب عليها سيادةاصحاب البشرة السمرا ممكن تعتبر يا بيضا تنمر هههههه اااه والله
كنت ف بلد افريقي من سنتين بتمشى ف الشارع فهتفت ست بصوت عالي بعد ما انا بعدت ( بتتنمر بقى فعايزة ترمي الكلمة وتجري )
وقالت وااااايت وومن فانا اتلفت كدة وقلتلها. هااااي هو يو وابتسمت الشارع كله ضحك والست ضحكت وانا ضحكت وبقت ذكرى سعيدةمبهجة عندي وغالبا الست دي قالت الناس بتحب التنمر كدة ليه
 ….. صحيح احنا ف عالم اللون والعرق تجاوز فيه فكرة التنمر للعنصرية والحد من فرص وحقوق البعض بناء على لونهم او عرقهم او حتىجنسهم لكن دا موضوع تاني احنا هنا بنتكلم عن احساسك انت الداخلي بالوجع او النقص  عن تأثرك من سخرية اي شخص من شكلك اوظاهرك
زمان كانوا بيقولا على الشعر المجعد اكرت والنهاردة مش ملاحقيين ع اللي عايزين يبقوا كيرلي …. لذلك متخليش الدنيا تصنع ليك معاييرشكلية ودايما عرض نفسك وعرض ولادك للاختلاف ساعتها هما لما يتعرضوا لاي سخرية او تنمر حيضحوا من حواهم ومش حيفهموا الربطوالاإساء اللي لا تنطبق عليهم وبالتالي مش حتمسهم .. من جوة
تكون قوي ولا تكون ضحية تكون طبيعي وفاهم انك بتعيش مراحل تعلم نفسك وتتعلم شكلك فيها بيتغير ومهاراتك عبر الزمن بتطور ولا تتوجعوتعيط من كل وصف تتوصفه
الغريب يا مستمعيني الأعزاء جدا  محدش بيتكسف لما يبقي حرامي ولا منافق محدش حتى بيتكسف يبقى جاهل …. لكن ممكن يتحرج لومناخيره كبيرة او قلقان أو تحت عنيه اسود وحد قاله ايه دا
كل سن له حساسيته لكن ارجع دايما وارهن على الوعي ولادنا مش زينا لما كنا صغيرين
 ولادنا دولقت مدركين مثلا ان ف سن البلوغ التغير الهرموني وبروز بعض اعضاء في الجسم تغير الصوت نمو الشعر  دا دلالة نضج ومرحلةطبيعية ..بس احنا كنا بنتحرج والبنات وانا منهم كنت بمسك  الشنطة اغطي بيها صدري وانا رايحة ووانا جاية  … خلينا نطوع  تطورالحياة  لصالحنا لصالح الفطرة وناخد منها اللي يقوينا
انا مكنش ممكن اتخيل ام كلثوم ناحتة دقنها وخدودها على سبيل المثال ولا كان ممكن اتخيل صلاح جاهين من غير جسمه المليان  ولاالموسيقار عبد الوهاب بدون لدغته ف السين اللي كانت بتختفي باعجوبة لما بيغني
كل ما يميزك ويؤكد فرديتك وهويتك الشكلية انا بعتبره هو دا الكمال الظاهري  ما هو مفيش كمال اكتر من اني اطلعك من وسط مليون واخدبسهولة  وما يحط من قدرك هو حقيقتك واثرك ونزاهتك وصدقك  وبس .. يا ناس دول بيتنمروا ع الستات كونهم ستات  تلاقي غمز ولمز كدةاول ما كاتوا بيلاقوها مدرية ويوقل؛ يا عم دي ههه واحدة ست
فتقولي كبرتي عجزتي تخنتي سودة بيضا متصابية  كئيبة حتموتي وتتشهري ذوقك وحش معرفش لما بشوف اي كلمة من دول على حسابواحدة شقيانة بفتكر علاء ولي الدين في فيلم الناظر  وهو عامل ست وبيرقص كدة ويقول موت بغيظك انا حلوة وطعمة وبيضا وقشطة
  …. دا احنا بقي جبال
انا مش مع التنمر انا بس مع الثقة مع القوة ومع النهي عن السخرية من ناس عسى ان يكونوا خيرا منا