أعذار الفاشلين…
في مشوار النجاح.. تأكد انك بتواجه تحديات ومصاعب..
احيانا تكون ظروف قاهرة.. أو وضع صحي.. أو مشاكل أمنية.. عائلية.. خلافات اسرية.. تعقديات اجتماعية من الأهل.. حوادث مرورية وزحمة.. عدم استقرار أمني أو حرب.. أو أوضاع اقتصادية سيئة.. مشاكل قانونية.. مصاعب تقنية.. أنظمة تشريعية.. أو فساد في جهة معينة.. أو ظلم من أحد.. ولكم انكم تختارون منها اللي تبون..
وهذي الأمور.. يراها الناس العاديين أعذار.. وأسباب منعتهم من النجاح… وربما يكونوا فعلا صادقين..
هذه الأسباب يستخدمها الفاشلين كأعذار… لتعليق فشلهم عليها..
الفاشل يحب كلمة ما أدري.. لانها عذر..
هم ما قالوا لي.. هم ما علموني.. هم اللي قالوا.. هم اللي راحوا قبل اجي.. حتى الطيارة… هي اللي فاتتني.. سكروا البوابة قبل اجي.. هو اللي استفزني وفقعت راسه.. ههه
اما الناجحين..
يتحملون المسئولية بأنفسهم…
يقول أنا اللي ما سألت صراحة.. أنا ما رحت معهم.. أنا ماحضرت الاجتماع.. أنا ما نمت زين.. انا وشلون طافتني هذي.. شلون ما دريت.. أنا ما عملت حساب الكفر اللي بنشر وانا رايح المطار.. أنا اللي مفروض اكون موجود قبل الموعد بربع ساعة.. أنا اللي كنت متوتر وعصبت..
حتى لو ما لقى شيء.. يقول انا الشرهة علي اللي عطيتك وجه
اتمنى لكم الاستمتاع في الاستماع..
وانتظر تعليقاتكم وتجاربكم
